WEBINAR WITH POSITIVITY

ന്യൂട്ടണ്‍ ആപ്പിളും കൊണ്ട് ബഹിരാകാശത്ത്

ന്യൂട്ടന്റെ ആപ്പിൾ ബഹിരാകാശത്തും വീഴുമോ ?

🌎400 കിലോമീറ്റർ ഉയരമുള്ള ബിൽഡിങ്ങിലെ ഗ്രാവിറ്റി..🌏

ബഹിരാകാശനിലയത്തിൽ ഗ്രാവിറ്റി അനുഭവപ്പെടില്ല എന്ന് നമുക്കറിയാം. കാരണം അത് ഭൂമിയെ ഓർബിറ്റ് ചെയ്യുന്നതുകാരണമാണ്. ഓർബിറ്റ് ചെയ്യുന്ന വസ്തുക്കൾക്ക് ഭാരവും ഉണ്ടാവില്ല. കാരണം.. അവ ഫ്രീഫാൾ സ്റ്റേറ്റിൽ ആണ്. ലിഫ്റ്റ് പൊട്ടി നമ്മൾ താഴേയ്ക്ക് വീഴുന്ന അവസ്ഥ. വീണുകൊണ്ടിരിക്കുമ്പോൾ  നമുക്ക് ഭാരമുണ്ടാവില്ല. ആ അവസ്ഥ തന്നെയാണ് ബഹിരാകാശനിലയത്തിലും.

എന്നാൽ.. ബഹിരാകാശനിലയം പോകുന്ന 400 കിലോമീറ്റർ ഉയരമുള്ള ഒരു ബിൽഡിങ്ങിന്റെ മുകളിലത്തെ മുറിയിൽ ആണ് നമ്മൾ ഇപ്പോൾ ഉള്ളത് എന്ന് കരുതുക.

ചോദ്യം - 1) 100 കിലോ g ഭാരം ഉള്ള എനിക്ക് അവിടെ എത്ര ഭാരം കാണും ?

ഉത്തരം:

ബഹിരാകാശനിലയത്തിൽ ഭാരം ഇല്ലാത്തതു അത് ഭൂമിയെ ഓർബിറ്റ് ചെയ്യുന്നതുകൊണ്ടാണ്. എന്നാൽ അതെ ഉയരത്തിൽ ഉള്ള കെട്ടിടത്തിന്റെ മുകളിലെ മുറി ഭൂമിയെ ഓർബിറ്റ് ചെയ്യുന്നില്ല. അതിനാൽ അവിടെ വസ്തുക്കൾക്ക് ഭാരം ഉണ്ടായിരിക്കും.

എന്നാൽ ഭൂമിയിൽ നിന്ന് 400 കിലോമീറ്റർ ദൂരെ ആയതിനാൽ അൽപ്പം ഗ്രാവിറ്റിയിൽ കുറവുണ്ടാവും. എന്റെ ഭാരം ഭൂമിയിലെ കടൽ നിരപ്പിലുള്ള ഭാരത്തിന്റെ 88 % ഭാരം ആയി കുറയുന്നു എന്ന് മാത്രം. വെറും 12 % ഭാരക്കുറവ് :)

അതിനാൽ 100 കിലോ g ഭാരം ഉള്ള എനിക്ക് അവിടെ 88 കിലോ g ഭാരം ആ ഉയരത്തിൽ ഉണ്ടായിരിക്കും.

ബിൽഡിങ് ഒരിടത്തായി ഇരിക്കുന്നു. എന്നാൽ പേടകം ഓർബിറ്റ് ചെയ്യുന്നു അതാണ് ഭാരവ്യത്യാസത്തിനു കാരണം.

📍ചോദ്യം - 2)  ഒരു മെഴുകുതിരി ആ മുകളിലെ മുറിയിൽ കത്തിച്ചു വച്ചാൽ അതിന്റെ തീനാളം നീണ്ടിരികുമോ അതോ ഉരുണ്ടിരിക്കുമോ ?

ഉത്തരം: 400 കിലോമീറ്റർ ഉയരത്തിലെ ബില്ഡിങ്ങിന്റെ ഉള്ളിൽ മെഴുകുതിരി കത്തിച്ചുവച്ചാൽ തീനാളം മുകളിലേക്ക് നീണ്ടുതന്നെ ഇരിക്കും. എന്നാൽ അതെ ഉയരത്തിലെ ബഹിരാകാശനിലയത്തിൽ മെഴുകുതിരി കത്തിച്ചുവച്ചാൽ തീനാളം ഉരുണ്ടിരിക്കും. കാരണം സംവഹനം ( convection ) അവിടെ ഇല്ലാത്തതാണ് കാരണം.

ചൂടുപിടിച്ച വായു മുകളിയ്ക്കും, തണുത്ത വായു താഴേയ്ക്കും നീങ്ങുന്നതിനെ ആണ് സംവഹനം എന്ന് പറയുക. ഇത് എല്ലാ വാതകങ്ങൾക്കും, ദ്രാവകങ്ങൾക്കും ബാധകം ആണ്.

ചോദ്യം - 3) ആ മുകളിലെ മുറിയുടെ വാതിൽ തുറന്നു എനിക്ക് സ്പേസ് വാക്ക് ചെയ്യാൻ സാധിക്കുമോ ?

ഉത്തരം :ഇല്ല.

ആ മുകളിലെ മുറിയുടെ വാതിൽ തുറന്നു  സ്പേസ് വാക്ക് ചെയ്യാൻ ശ്രമിച്ചാൽ നേരെ  ഭൂമിയിലേക്ക് വീഴും. കാരണം അവിടെ എനിക്ക് 88 % ഭാരം ഉണ്ട്.

400 കിലോമീറ്റർ ഉയരത്തിലൂടെ പോവുന്ന ബഹിരാകാശനിലയത്തിലെ കാര്യവും, 400 കിലോമീറ്റർ ഉയരത്തിലെ മുറിയിലെ കാര്യവും തീർത്തും വ്യത്യസ്തമാണ്. കാരണം ബഹിരാകാശനിലയം ഓർബിറ്റ് ചെയ്യുന്നു.എന്നാൽ അത്ര ഉയരമുള്ള ബിൽഡിങ് അവിടെ ഒരിടത്തായി നിൽക്കുന്നു. അതാണ് ഈ വ്യത്യാസത്തിന് കാരണം

സൂര്യാസ്തമയം ഇവിടേം അവിടേം

ഭൂമിയിലെ സൂര്യാസ്തമയവും, ചൊവ്വയിലെ സൂര്യാസ്തമയവും.

.

ഇവിടെ ഭൂമിയിലെയും, ചൊവ്വയിലെയും സൂര്യാസ്തമയ സമയത്തെ യാഥാർഥാ ഫോട്ടോകൾ കൊടുത്തിരിക്കുന്നു.

ഭൂമിയിലെ ഫോട്ടോ സൂര്യൻ അസ്തമിച്ചു കഴിഞ്ഞതിനു ശേഷമുള്ളതാണെന്നു മാത്രം. 

.

ഇവിടെ ശ്രദ്ധിക്കാനുള്ളത് ഭൂമിയിലെ ചുവന്ന ആകാശം താഴെയും, നീല ആകാശം മുകളിലുമാണ്. എന്നാൽ ചൊവ്വയിലേതു തിരിച്ചും. നീലാകാശം താഴെയും ചുവപ്പു മുകളിലും !

.

ഭൂമിയിൽ വായു ഇല്ലായിരുന്നു എങ്കിൽ ബഹിരാകാശം പോലെ നിറം ഒന്നുമില്ലാത്ത കറുത്ത ആകാശം കാണുമായിരുന്നു. എന്നാൽ ഭൂമിയിൽ വായുവിന് നല്ല കട്ടി ഉള്ളതിനാൽ, സൂര്യനിൽ നിന്നുള്ള നീല വെളിച്ചം അന്തരീക്ഷത്തിലെ വായു തന്മാത്രകളാൽ ചിതറി ആകാശത്തിന് ചുറ്റും വ്യാപിച്ച് ഒരു നീല മേലാപ്പ് സൃഷ്ടിക്കുന്നു. 

.

സോറി.. ആദ്യം അന്തേരീക്ഷത്തിൽ ഏതു നിറം എപ്പോൾ വരുന്നു എന്ന് പറയാം...

.

അന്തരീക്ഷം ഇല്ലായിരുന്നു എങ്കിൽ നിറം ഒന്നും ഇല്ലാതെ കറുത്തും,

കുറച്ചു മാത്രം കട്ടി ഉണ്ടായിരുന്നു എങ്കിൽ വയലറ്റ് നിറത്തിലും,

അൽപ്പംകൂടി കട്ടി ഉണ്ടായിരുന്നു എങ്കിൽ ഇൻഡിഗോ നിറത്തിലും,

ഇപ്പോഴത്തെപ്പോലെ കട്ടി ഉള്ളപ്പോൾ നീല നിറത്തിലും,

അൽപ്പംകൂടി കട്ടി കൂടുതൽ വരുമ്പോൾ മഞ്ഞ നിറത്തിലും,

പിന്നെയും കൂടുമ്പോൾ ഓറഞ്ചു നിറത്തിലും,

പിന്നെയും കൂടുമ്പോൾ ചുവന്ന നിറത്തിലും.

പിന്നെയും കൂടിയാൽ ഇൻഫ്രാ റെഡ് നിറത്തിലും ആവുന്നു :

സോറി.. ഇൻഫ്രാ റെഡ് നിറം നമുക്ക് കണ്ണുകൊണ്ട് കാണുവാൻ സാധിക്കില്ല. പക്ഷെ മിക്ക ക്യാമറയിലും അൽപ്പം ഇൻഫ്രാ റെഡ് കിട്ടും. അതാണ് അസ്തമയ ഫോട്ടോ എടുക്കുമ്പിൾ നാം കണ്ണുകൊണ്ട് കാണുന്നതിലും നന്നായി ഫോട്ടോയിൽ കാണുന്നത് :)

അങ്ങനെ അനുഭവമുള്ളവർ ഉണ്ടോ ?

.

* ഭൂമിയിൽ അന്തരീക്ഷത്തിനു കുഴപ്പമില്ലാത്ത കട്ടി ഉള്ളതുകൊണ്ട് നീല നിറത്തിലായിരിക്കും അധികവും കാണുക.

നല്ല ഉയരമുള്ള മല മുകളിലോ, വിമാനത്തിലോ നമ്മൾ പോവുമ്പോൾ ഇൻഡിഗോ നിറത്തിലും നമുക്ക് ആകാശം കാണാം.

ഇനി സൂര്യൻ ചക്രവാളത്തിലേക്ക് താണു തുടങ്ങുമ്പോൾ സൂര്യരശ്മി അന്തേരീക്ഷത്തിലൂടെ കൂടുതൽ ദൂരം ആവുമ്പോൾ ഫലത്തിൽ അന്തരീക്ഷത്തിന്റെ കട്ടി കൂടുന്നതിന് തുല്യമാണ്. അപ്പോൾ മഞ്ഞപ്പു വരും. പിന്നെയും സൂര്യൻ താഴുമ്പോൾ ഓറഞ്ചും, പിന്നെ ചുവപ്പും ആവും.

.

ചൊവ്വയുടെ അന്തരീക്ഷം ഭൂമിയുടെ അന്തരീക്ഷത്തിനേക്കാൾ വളരെ കട്ടി കുറവാണ്. നൂറിൽ ഒന്ന് മാത്രം. 

അതിനാൽ സൂര്യൻ മുകളിൽ ആയിരിക്കുമ്പോൾ കറുത്ത ആകാശം ആയിരിക്കും കാണുക. കൂടാതെ മിക്ക സമയത്തും  ചൊവ്വയിൽ പൊടിക്കാറ്റ് ഉള്ളതിനാൽ അവിടത്തെ മണ്ണിന്റെ നിറമായ ചുവപ്പു ആയും കാണാം. 

 

.

ഇനി സൂര്യാസ്തമയ സമയത്തും സൂര്യോദയ സമയത്തും.. 

ആ സമയത്തു സൂര്യൻ ചക്രവാളത്തിൽ ആയിരിക്കുമ്പോൾ സൂര്യ രശ്മിക്ക് കട്ടി കുറഞ്ഞ അന്തരീക്ഷത്തിലൂടെ കൂടുതൽ സഞ്ചരിച്ചാൽ മാത്രമേ നമ്മളിൽ എത്തൂ. അപ്പോൾ കറുപ്പിൽനിന്നു മാറി വയലറ്റ്, ഇൻഡിഗോയും നിലയും ഒക്കെ ആവുന്നു. മഞ്ഞയും, ഓറഞ്ചും, ചുവപ്പും ആവൻതക്ക അന്തരീക്ഷത്തിന്റെ കട്ടി അപ്പോഴും ആവുന്നില്ല.

അതുകൊണ്ട് ചൊവ്വയിലെ സൂര്യാസ്തമയവും, ഉദയവും നീല നിറത്തിലും, ഭൂമിയിലേതു ചുവന്നും കാണുന്നു.

Education

Education is a tool for character formation and the knowledge as well as experiences which is passed through generations and generations.